अछाम – नेपाली कांग्रेसको १५ औं महाधिवेशन अन्तर्गत अछाम क्षेत्र नम्बर १ बाट केन्द्रीय महाधिवेशन प्रतिनिधिमा निर्विरोध निर्वाचित हुनुभएका डा. डिबी सुनारले केन्द्रीय सदस्य पदका लागि उम्मेदवारी घोषणा गर्नुभएको छ।
पार्टी कार्यालय साँफेबगरमा आयोजित एक विशेष कार्यक्रमका बीच डा. सुनारले आगामी १५ औं केन्द्रीय महाधिवेशनमा केन्द्रीय सदस्य पदमा उम्मेदवारी घोषणा गर्नुभएको हो।
महाधिवेशन प्रतिनिधिमा निर्विरोध निर्वाचित गराएकोमा अछाम क्षेत्र नम्बर १ का सम्पूर्ण नेता, कार्यकर्ता तथा शुभचिन्तकहरूलाई धन्यवाद ज्ञापन गर्दै उहाँले युवा सहभागिता, सशक्त प्रतिनिधित्व र जिम्मेवारीका साथ अघि बढ्ने प्रतिबद्धता व्यक्त गर्नुभएको छ।
”युवा सहभागिता, प्रतिनिधित्व, जिम्मेवारी” भन्ने मूल नाराका साथ पार्टीलाई थप सुदृढ, समावेशी र गतिशील बनाउन आफ्नो उम्मेदवारी रहने डा. सुनारले बताउनुभएको छ।
पार्टी संगठन विस्तारका साथै राष्ट्रियता, लोकतन्त्र र समाजवादका आदर्शहरूलाई अझ सुदृढ बनाउन युवाहरूको नेतृत्वदायी भूमिका आवश्यक रहेको बताउनु भयो।