साँफेबगर – २६ औं अन्तर्राष्ट्रिय युवा दिवस साँफेबगरमा मनाईएको छ । “दिगो विकास र सुनौलो भविष्यको सारः स्थानीय युवाको सहभागिता समृद्धिको आधार” भन्ने नाराका साथ सेबक नेपालको सहजीकरण र सेफ गर्ल परियोजानाको अयोजनामा दिवस मनाइएको हो । दिवस मनाउने क्रममा करिब ४५ देखि ५० जनाको सहभागिता रहेको थियो, बजार र्याली सहित परिक्रमा ,ग्रुप नृत्य र दिप प्रज्वलन गरि दिवस मनाइएको सेबक नेपालका गणेश कुँवरले जानकारी दिनुभ भयो ।
युवा दिवस विभिन्न देशहरूमा फरक-फरक मितिमा फरक उद्देश्यका लागि मनाइन्छ। तर सामान्यतः, युवा दिवस युवाहरूको योगदानको सम्मान गर्ने, उनीहरूमा जागरूकता फैलाउने र सामाजिक विकासमा सक्रिय सहभागिता प्रोत्साहित गर्ने उद्देश्यले मनाइन्छ।
नेपालमा राष्ट्रिय युवा दिवस साउन २७ गते मनाइन्छ।
यस दिन सन् २०१० मा पहिलोपटक “युवा नीति” (National Youth Policy) लागू गरिएको थियो। त्यसैको सम्झनामा साउन २७ लाई युवा दिवसको रूपमा मनाइन्छ।