साँफेबगर – प्रविधिको सहि सदुपयोग गरौं , लैङ्गिक हिंसा अन्त्य गरौ भन्ने मुल नाराका साथ चौरपाटी गाउँपालिका वडा नम्बर ७ मार्कुमा लैङ्गिक हिंसा विरुद्धको १६ दिने अभियानको उदघाटन गरिएको छ ।
वडा स्तरीय महिला संजाल चौरपाटी गाउँपालिका वडा नम्बर ७ मार्कुको आयोजना , चौरपाटी गाउँपालिकाको आर्थिक सहयोग र WECAN परियोजना अन्तर्गत समविकास नेपालको साँझेदारीमा लैङ्गिक हिंसा विरुद्धको १६ दिने अभियानको उदघाटन गरिएको हो ।
वडा स्तरीय महिला संजाल मार्कुका कार्यवाहक अध्यक्ष पवन बोगटीको अध्यक्षतामा अभियानको उदघाटन भएको वडा अध्यक्ष ललित बहादुर बोगटीले जानकारी दिनुभयो ।
२५ नोभेम्बर -१० डिसेम्बर २०२५ (२०८२ मंसिर ०९ गतेदेखि २४ गते सम्म यो अभियान संचालन रहने छ ।